"Ngeeeeeng" ka dit korita dot pinosiyau tantad tumakad dot tidong. Otidong matuu it talun-alun diri tu napatai tinjin dit korita om koingkoyod nod di id tanga dit tidong.

"Alaaaaa....noolingan kud posuwang dot gear satu ooi !!!" ka dit papanau. Korongou po dit tulun songinsakai nga otogod tomod tu au diri nakatakad it korita om terpaksa nod pinosunsuri.

"Nokuro mala tu au gia soro-sorohon dot posuang ot gear satu!!!?" ka dit songulun molohingon poinsakai suminimbar. "Benda nopo dit oooponting kopiyo om pisuang-suuuang bo. Kada olingai. Yoku nopo tontok mabpanau toi mongoi id dumo om kongosuwang ngawi ku no ot tongoponting miagal ko dangol, ponginggatan om suai-suai po ko iri.....nga ika nopod di ti om gear satu pod di nga au posuangon." kad dit molohing.

Piboros-boros dot boros nopo dot Melayu nga mantad id boros dot Dusun di pogulu po. Nga nokopogulu ilo boros dot Melayu dot noruhangan boros do suai. Id siriba diti om piro-piro ot piagalan boros Dusun om Melayu.

Id siriba diti om kotimpuunon dot rinait mongoi ponoluhut dot parai. Anaru po ti rinait,  gisom i  dot kotonduli ngawi it parai kosuwang id tangkob. Nga umbalai tokou po rotio iti tu aralom ot komoyon dau. Bahasa sastra om klasik bo kaka  iti.

Sontiningkang  sontinadou
kokosorou  monoluhut  di  yarai
Iso  oku  dayang-dayang
mondo  oku  rago-rago
nga  kasarahai  ku  ie  yarai
kokiraai  ku  ie  yilod

kasarahai  ku  monoluhut
tano  bakai  yanak  undi
ano  bakai  simbaani
sakayo  toh  saging-saging
pudaano  toh  rundik-rundik
saging-saging  dit  osilou
rundik-rundik  dit  bulawan
sakayon  toh  monoluhut
pasakayon  toh  hondika
pudanan  toh  rinadoi

Id srirba diti om rati dot piro-piro dilo rianit.

"Sundaland" toi ko "Pentas Sunda" nopo diti nga tana dot alandai om osubur id pialatan dot Borneo, Semenanjung Malaya, kepulauan dot Indonesia om kakaa id Filipina. Nopo dit pogulu po kaaka diri, masaan po tomod dit zaman ais dit pisoromoh-romoh 60,000 BC toun di gulu om atarakas tomod po iti watas "Pentas Sunda" diti, om niyonon kaka dot ginumuan tulun id pomogunan tontok diri. Monurut nopo sorita id artikel diti om haro pomogunan tagayoh it raitan dot "MU" do momogun-mogun kaka do hilo, it kaagal-agal kopiyo dot sorita dot "ATALANTIS" id lagenda dot tulun topurak. Rinaitan nogi iti dot "Eden of the East" toi ko "Taman Eden" id koulayon. Soira dot kalanak it ais dit toun 9,000 BC om taunai nodi dot rahat iti pomogunan. Pogulu po dot nataunan om id piras-piras dot rahat, kakaa nogid di id tanah dit alandai. Alaid-laid mantad ko iri, om nuluu pod di dit tangasawat ot noolu om songimbulai. Kogumuan nod tulun napatai dot nolonod. Nga haro piro-piro kaka tulun dot nakasampat minogidu kuminaa id konuluhan. Haro nokopogidu kuminaa hilo id tana tagayoh Asia (China), haro kuminaa hilo id Semenanjung Malaya it raitan dot Negrito, haro kuminaa hilo id Sumatra om Java it raitan dot Batak, id pulau Andaman it raitan dot Onges, id Filipina it raitan dot Atie om haro nogi kuminaa hiti id Borneo, mungkin yolo no it tulun raitan dot Penan hilo id Sarawak om nogi mamasok Sabah. Yolo it nokotindapou hiti id Borneo om tindohoi nodi kaka dot  minomogun-mogun. Yolo nodi kaka ot komolohingan tokou. Piro-piro noddi maso nataliban om tilombus nodi it wookon suminoborong kuminaa id Papua New Guinea, Australia om Tasmania. Otopot iddi manaku iti sorita??

Haro nogi  lagenda dot Dusun karait dot "sakob dot tagayoh", miagal kopiyo sorita di Nabi Nuh id Alkitab. Sorita nopo diti nga karait dot haro iso sampaganakan dot napasi mantad dit sakob tagayoh diri. Om takad nodi kaka yolo diri kuminaa id nuluu dot tasawat, it raitan dot Nabalu, om pomogun-mogun noddi yolo diri, id piras dot pialungan bawang Moroli, id doros guwas dot Nunuk Ragang. Raitai nodi kaka diyolo it tiyonon diri dot Nunuk Ragang. Yolo nodi kaka ot tadon mamasok dot Dusun hiti id Sabah. Urias nogi di dot kuminaa id Ranau, Tambunan, Keningau, Kudat om tongkop Sabah.

Gisom dot baino om haro po iti kampung Nunuk Ragang diti, au osodu mantad kampung Tompios Ranau. Basao artikel id suriba diti ondung monongkotumbayaan kou manaku diti. Sunudan oku noh ( maya dot email This e-mail address is being protected from spambots. You need JavaScript enabled to view it  ) nunu kad pomusarahan dikoyu soira dot kabasa, kio.

Klik : sundaland 1 ,   sundaland 2

                Komoi Boros Dusun

aiso noh dii koinggoritan

nokopamanau koh noh dii

gumuli dii Minamangun

mihad iyahai

gisom aiso romou koulai

mogihad dia’

nga amu koh noh koguli.

mogiruruba kou noh ngaii matuu,

hinod pogun namatai.

Nonsoi di

Missah

Boros Dusun soira sisipan dot ponisip gotuwang Si / Ti kopogowit dot rati "ingin / hendak".

SUNDUR kirati dot mamaratu toi momuloh dot "benda" mantad id tiyonon dau miagal ko kouwaan toi kakamot. Id siriba toi id sawat nga aiso ie a pisuaian. Nga id Melayu nopo ondung id sawat nga "jolok" ka.